July 19, 2011 khan National Workshop on Social Audit under Mahatma Gandhi National Rural Employment Guarantee Act, 2005 chu Conference Hall No. 4, Vigyan Bhavan, N. Delhi-ah Ministry of Rural Development, Government of India buatsaihin neih a ni.
He Workshop hi Pu D.K Jain, Jt. Secretary (MGNREGS), MoRD chuan a kaihruai a. Khuallian-ah Pu Jairam Ramesh, Union Minister for Rural Development and Drinking Water chu hman a ni.
Inlawmna thu Pu B.K Sinha, Secretary, Rural Development chuan a sawi a, kum 5 lai mai MGNREGS kalpui anih tawh hnu leh experience tam tak tawn anih tawh hnu hian ngaihtuahna thar put a tul thu leh kan tlakchham ber te zingah Transparency hi a awm thu a sawi a.
Hemi zawh hian Pu Pradeep Jain ‘Aditya’ Hon’ble Minister of State for Rural Development te,Ms. Agatha Sangma, Hon’ble Minister of State for Rural Development ten thu an sawi a. Tin, Pi Aruna Roy, Member, National Advisory Council, Social Activist lar tak chu thusawiin RTI leh MGNREGS chu inkawp tlat, India ram tana Landmark History tling phak anih thu a sawi a. Kum 2005 lai vela a dan an ngaihtuah laia an mitthla thin, a taka lo chang ta anih thu a sawi a. MGNREGS hian mipuite chu an thlan lal khawtlang hruaitute hnenah thuzawh fiah theihna ‘Right’ a pe a. chu chu hman tangkai ngei tur anih thu a sawi.
He huna Khuallian, Pu Jairam Ramesh, Hon’ble Minister NREGA Dan an duan thin lai a rilru-a awm thin te a sawifiah a. Water Conservation atana hman a tul thu te, thingtlang mite tana aw an neih a tul thu te a sawi a. Engkim langtlang leh inhawng taka hnathawh thin chu hmasawnna anih thu a sawi.
He Workshop koh chhan ber, The Mahatma Gandhi National Rural Employment Guarantee Audit of Schemes Rules, 2011 chungchang Joint Secretary, (MGNREGS) chuana sawifiah a. He Rules hian Para 13 (b) of Schedule – I of the Act chu 30th June 2011-a Gazette of India-a tihchhuah tawh angin, hemi ni atang hian a nuaibova. Hemi ni vek hian a thlaktu tur a chunga kan sawi Rules hi Gazette (G.S.R.495 (E))-ah tihchhuah a ni a.
He Rules hi http://www.rural.nic.in –ah download theihin a awm. He Rule tihhlawhtlinna tur hian hetiang hian Action lak dan tur leh Time line pawh duan nghal a ni :-
| Sl. No | Action to be taken | Estimate budget/Pay | Timeline |
| 1. | Establishment of State Social Audit Unit : (Separate Directorate/Autonomous body) | 1. Office Establishment – 2. Pay a) Director b) Officers ( 4 – 5 persons @ 25000 – 20000/- pm c) Clerical staff | 3 months. |
| 2. | Establishment of District Social Audit Unit : | 1. Office establishment – 2. Facilitators ( 4 – 3 persons @ 12000 – 9000/- pm) | |
| 3. | Establishment of Block Social Audit Unit : | 1. Office establishment – Facilitators ( 3 – 2 persons @ 10000 – 5000/- pm) | |
| 4. | Establishment of Village Social Audit Unit | Social Auditor/facilitators ( 5 – 3 persons @ Not less than minimum wages of the state during the Social audit process) Note : Bharat Nirman Volunteers will be selected as Village level Social Audit facilitators | |
| 5. | Training of Social Audit process for Facilitators to be conducted by SIRD | As per MoRD training norms | 3 months |
| 6. | Social Audit process | As per state needs | 6 months |
Thla 6 (ruk) chhung ngeiin level tinah Social Audit Unit hi din fel tur a ni a. Din anih loh chuan MGNREGS installment dang pawh ngaihtuah theih a nih rih dawn loh thu an sawi.
Chawhnu lam hi discussion huna tarlan nimahse, state hrang hrangin presentation pekna atan an hmang hlawm a. Andra Pradesh, Jharkhan, Himachal Pradesh, etc. ten an state-a Social Audit an neih dan an tarlang a. Andra Pradesh hian chuan nikum chhung khan Job Card chuang 50,000 zet Social Audit atanga an hmuh chhuah thu leh cheng vaibelchhe 1 chuang an hmuh let thu an sawi hem mai !
Uttar Pradesh Principal Secretary chuan an state chhunga MGNREGA implementation-ah Hon’ble Minister zawhna chhangin Category A a mite chu 80 – 70% vel, Category B-a mite chu 70% vel leh Category C-a mite chhu 30 – 25% vel mipui ten a hlawkna an dawn tak tak chauh a rin thu a sawi !
Bihar Principal Secretary chuan Expenditure cost leh production cost chhutin ‘0’ anih thu a sawi a, a mimal taka Economic survey a neih thu a sawi !
He Workshop-a tel te hi kan tui tlang hle a. Hon’ble Minister 2, Pu Jairam Ramesh leh Pu Aditya an awm tluan a, interaction period-ah pawh zawhna an zawt hnemin an tuipui pha hle niin a lang. Rural Development Secretary Pu B.K Sinha leh a thuihhruai te an awm kim a, Union Minister hlui Shankar Aiyar pawh telin, India rama Social Activist lar ho an awm nual bawk a Tlai dar 6-ah Workshop hi kan bang a ni.
- Reported by K.T Pakhuangte, Principal, Extension Training Centre. Pukpui, Lunglei
No comments:
Post a Comment
Thank you your valuable comments