Purpose of Tour : To act as one of the Resource Persons for Sensitization Programme on Watershed Development Programme during 11th – 12th May 2011 at Parish Hall, Champhai, Organised by District Rural Development Agency, Champhai.
Date 10th May 2011 : Kolasib atangin zing dar 5-ah ka chhuak a, Pu John Lalmuankima, UDC, ETC, Pukpui, Lunglei-in Aizawl-ah min lo nghak a, tlang nghalin chawhnu dar 3 velah Champhai kan thleng a. DRDA, Champhai in kan thlenna tura an lo ruahman sa, Tourist Lodge-ah kan thleng.
Date 11th May 2011 : Zing dar 10-ah Parish Hall, Champhai-ah programme hi tan a ni a. Pu Larry Lalbiaktluanga, AO, DRDA, Champhai chuan hawnna inkhawm a kaihhruai a, Pu Zothanmawia, Project Director, DRDA Champhai chuan Sensitization Programme hi a hawng a. Thu sawiin, Champhai District-a IWDP Project te chu Installment dawng kimin, a lo tawp dawn ta ., Hetah hian a chhawr tangkaitu mipui ten neitu rilru pu chunga sorkar lam inhnuhdawh hunah pawh kal dan an thiam theihna turin hetiang programme pawimawh tak mai hi siam anih thu a sawi a. Chhawr tangkaitute chu neitu rilru pu thiam tura chahin, thahnem ngai taka thawk turin a chah a ni.
Hawnna inkhawm neih zawh hian keima’n Watershed Programme : An overview tih ka sawi a. Chutah chuan Watershed Programme chi hrang hrang lo awm tawh te leh a pawimawhna te ka sawi a. Hei bakah hian IWDP. Hariyali leh IWMP nihphung/kalphungte ka sawi fiah bawk. Ka thusawi zawh hian Thingpui kan inhova, chumi zawh chuan Pu Zahmingliana, AE, DRDA Champhai chuan Monitoring an tih dan leh a hmun ngeia an tih dan leh an project–a an hmalak dan kimchang report a pe a (Report enclosed a ni). A bengvar thlak hle a.
“Pi Dengthangpuii hi hmeithai a ni a, khawsak harsa ve tak a ni. Vaphai khua, Myanmar border bulah an khawsa a. 2005 kuma Hariyali Project lo chhuakah khan vanneihthlak takin a ram neihna hmun chu Watershed Project chhung a mi a ni hlauh mai a. Project fund atanga a huan lo ram enkawl velna chu cheng tlemte Watershed Committee chuan an pe ve a. Chu pawisa tlemte a dawn chu hmang tangkaiin, Sustainable Development a neih theihna turin Grape chin a thlang ta a. 2006 vela a hmalakna chuan rah duhawm tak lo chhuahin, nikum khan a Grape huan atangin cheng nuai 10 lai a hmu tawh a ni”
Champhai District a hmun tam takah chuan IWDP leh MGNREGS te chu tang dunin, Huan nghet an nei fur tawh a. MGNREGS-a hmalakna 60% vel lai chu mahni huanah thawkin, hma an la mek niin report a ni a, hei aia tama hmalak turin DRDA leh Block Officials ten mipui an zirtir mek a ni.
Chawhnu lamah Period hnuhnung berah hian PIA, WC, WDT, VC leh NGO te tih tur ka sawi a. Mipui lam atanga zawhna hunah hetiang tak hian tunhma lamin inzirtir ni selang chuan an hlawk phah hle tur thu an sawi.
Date 12th May 2011 : A hmun ngaiah programme hi neih leh a ni a. ‘Watershed Project : Convergence with others scheme’ tih ka sawi a. Scheme hrang hrang, MGNREGS, NLUP, SGSY, PMGSY, ISOPOM, Horticulture Development Programme, ATMA, NAP etc. te nena tanhova, inpuih theih dan tur ka sawi a. Heng zinga awlsam zual, MGNREGS leh NLUP te nen phei chuan thawh dun ngei ngei a pawimawh thu leh achievement tha nei tura tan lak tlan a pawimawh thu te, VC leh Watershed Committee te an pawimawh thu ka sawi.
Hemi zawh hian Champhai IWDP Project hrang hrang atangin PIA ten an project chungchang an sawifiah a. Pu C. Lalremsiama, SDHO, Champhai chuan ‘Grape chin dan leh enkawl dan’ chipchiar takin a sawi a, paper a present bawk a ni.
A hnu kharna atan PIA te thusawi atanga rawtna leh ka sawi duh zawng sawina hun pek ka ni veleh a. Tarlan zingah :-
A hnu kharna atan PIA te thusawi atanga rawtna leh ka sawi duh zawng sawina hun pek ka ni veleh a. Tarlan zingah :-
- IWDP hlawhchhamna bul te zinga pawimawh ber chu Installment dawn dan a mumal lo.
- Mipui (beneficiaries) ten sum insem tur emaw an ti tlat.
- Training an nei mumal lo.
- WDT an mumal lova, mithiam kan nei lo.
- Monitoring a tha lo hle.
- Sign board kan tar tha lova, kan tar chhun pawhin a kimchang lo. Ministry chuan Project sanction ni, Zau zawng, sum dawn tawh dan, Project enkawltute hming, fund petute tarlan vek a duh laiin, chutianga ti an awm mang lo.
- Record te hi Watershed level-ah mumal taka vawn a ni lo.
- Post Evaluation tih dawna lo inrin lawkna atan – Ram enkawl zau zawng, Kum tina Soil Loss humhim dan, infrastructure din zat leh a senso, beneficiaries te leh an hlawkpui dan te lo chhinchhiah tura ngen an ni bawk.
Chawhnu dar 3:00 PM vel khan Pu Zothanmawia, Project Director, DRDA Champhai chuan a khar a ni. He Sensitization Programme-ah hian mi 123 kan tel a, chung zinga 6 chu hmeichhia an ni a. A tel zawng zawngte hnenah hian TA/DA pek vek an ni a, keini Resource Persons te pawh kan Motor hire-na bakah nikhat atan Rs. 500/- zel min pe a, kan lawm hle. Hetiang Programme hi DRDA dang pawhin tih nachang hre ve se a duhawm hle mai.
