Thursday 3 July 2014

SENTETFIANG-ah "ORIENTATION TRAINING COURSE ON BEE-KEEPING AND SHG FORMATION" TLUANG TAKA NEIH ZAWH A NI

Dated Pukpui the 28th June 2014: Extension Training Centre, Pukpui chuan Action Research Project a kalpui mekah "Sentetfiang" khaw mite tan "Orientation Training Course on Bee-keeping and SHG Formation" 25th-27th June 2014 chhunga a buatsaih chu hlawhtling taka zawh fel a ni.
He training hi Pu Samuel Lalzawnchhuaha, Faculty (Comm. Dev.) Course Director-na hnuaiah neih a ni a, participants 50 inbeisei a nih laiin 52 lai maiin an chhim a ni. Lo kal khawm te hi Self Help Group chungchang zirtir an ni deuh ber a, Self Help Group pawh dinpui nghal niin, kaihhruai an ngaihna ang angah puih nghal an ni bawk a ni. He training a Course Team te chu : Pu Samuel Lalzawnchhuaha, Faculty (CD), Pu F. Vanlalzama Faculty (Agri) leh Pu Lalrosanga, IVth Grade te an ni.

Wednesday 11 December 2013


TOUR NOTE OF PU KHUANGTHANSANGA PAKHUANGTE, PRINCIPAL,
ETC(P), SIRD, PUKPUI, LUNGLEI,  MIZORAM


Purpose of Tour : To attend the Discussion on State level IEC Action Plan for the year 2013 – 14 at Unnati Hall, Krishi Bhavan, N. Delhi on 5th December  2013 organized by Ministry of Rural Development, Government of India.

Date 3rd December 2013 : Zing tuk thuan eikham veleh Lunglei atangin Office hired Car in Aizawl-ah ka phei. Zemabawk, Aizawl-ah ka riak.

Date 4th December 2013 : Chawhma lamah Powerpoint Presentation tur ka siam thuak thuak a, chawhnu lamah Lengpui Airport atangin Jet-Airway in N. Delhi  ka thleng a, Mizoram House, Chanakyapuri, N. Delhi-ah ka thleng.

Date 5th December 2013 :  Unnati, Krishi Bhavan-ah Discussion hi dar 9:30 AM khan tan a ni a. Joint Secretary, MGNREGA (IEC) in a kaihruai a. Secretary, Ministry of Rural Development, GoI chuan thu a sawi a. Controller & Accountant General of India report in Mahatma Gandhi NREGA-ah hian village level ah’Awareness’ a tha tawk lo niin an tarlang a. Effective leh Efficient taka Implementation tih anih dawn chuan IEC hi a pawimawh hle mai. Mipui ten an chanvo an hriat loh chuan a thil tum tak hlen chhuah a ni ngai lovang a ti a. Serious tak leh Priority pek anih loh chuan beisei ang kan pha lovang tih a hlauh thu a sawi.

Secretary thusawi zawh hian Addl. Secretary chu thusawi tura sawm a ni leh a. Chapter – V of MGNREGA Operational Guideline bih ngun a pawimawh thu leh Scientific awareness plan a pawimawh thu a sawi a. Labour Group te, Self Help Grout e, NSS te, NYK leh BNV te chhawr tangkai theih anih thu a sawi.

Hemi zawh hian Joint Secretary, IEC thusawi tura sawm a ni veleh a. IEC kan tih hian Awareness, Access, Documentation, Concurrent Evaluation/Impact assessment leh Convergences te hi ngaihtuah tel a that thu a sawi.

Hemi zawh hian J/S kaihhruaina hnuaiah State tin presentation pe tura sawm kan ni a, Karela in pe hmasa berin, Manipur in a pe hnuhnung ber thung. Programme a tarlan anih danin dar 9:30 A.M – 1:30 PM tih ni mahse, tlai dar 4:30 PM ah kan bang thei chauh a ni.

Kei pawhin chawhnu dar 3:30 Pm velah ka pe ve a, state dang an hauhna atangin ka presentation ka siamtha hman a, Mahse, duhthusam a ni thei ta chuang lova. A chhan chu Time line awm lo leh inrawnkhawmna hman anih loh avangin  a kim lo ta nuaih a ni. Kan State in inthlan kan hmachhawn avanga State a thuneitu lam Election process a an buai avangin an lo kal thei lo tih ka sawi a. December Ni 20, 2013 hma ngeiin Modified & Final Action plan thehlut turin min ti a ni. Ka presentation chu ka rawn thil tel e.

Sawihona atangin hetiang hian thutlukna leh hmalak ngaihna tarlan a ni :-

1.            20th December 2013 ral hma ngeiin State Nodal Officer for IEC appoint tur a ni.
(Action : Secretariat, RD)
(Rawtna : Hemi atan hian Deputy Secretary, RD emaw U/S, RD emaw MIS Coordinator emaw appoint  a tha mai thei)

2.            State IEC Action Plan 2013 – 15  siam tur a ni a, State-ina a lo kalpui tawh atanga tawn hriat atangin chhunzawm tur chu chhunzawm a, thil thar pawh tih theih ngei tur leh mipuiin an hlawk theihna tur anih chuan belh bawk tur a ni a.
(Action : Secretariat)
(Rawtna : Ministry Template en chungin hetiang hian siam ni ta se…..
Sl. No.
Tools
Specification
Nos of Activities/Unit
Rate
Budget
Responsibility
Time line
Remarks
Monitoring Mechanism & Responsible
1
2
3
4
5
6
7
8
9
10











Hriat tur dangte :-
3.            December 21 – 25, 2013 chhungin Director, IEC in state tin Action Plan chu a lo compile ang.
4.            January, 2013 atangin Action Plan hi hman tan theih tura duan tur a ni a, hman tan anih veleh atangin Monitoring tih nghal tur a ni a, a theih chin chinah Impact assessment tih nghal bawk tur a ni.
5.            January 21, 2013 hian Nodal Officer Meeting neih leh tura ruahman chhin a ni.
6.            Action Plan kan siam tur hi January 2013 atanga March, 2015 tur a ni.
7.            Elected Representatives te sensitize ngaih pawimawh nise.
8.            IEC Action Plan hi 6% of the Administrative Cost atanga hman phawt tur a ni a; kumtharah chuan a hranpaa fund awm thei tura ngaih a ni.
9.            Action Plan duan hian duham lutuk tur a ni lova, kan state in kan tih theih tawk leh kan hlawkpui ngei tur chauh propose turin min ti a ni.
10.         Action Plan duanah hian Operation Guideline, 2013 Chapter – V chhiar hmasak ngei ngei nise.

Meeting zawh hian Pu E.J Jose, Consultant (Trg) Room-ah ka leng chhova. E.T.C, Pukpui in Non-Recurring Grant atanga Tuizem siamna leh Brick Wall Fencing atana 2nd Installment kan dilna pawisa Date 29th December 2013 a Bank-a lo thleng tawh Sanction Order kan la hmuh loh chu a sanction copy ka dil a, an naute, Delhi State Assembly Election-a an duty hlawm avanga office kal mumal an awm loh avangin a lehkha kan hmu lova. Post a min lo thawn tawh anih a rin thu a sawi.

MoRD vekin E.T.C, Pukpui tana Furnishing of Conference Hall leh Procurement of Training Materials atana Departmental Screening Committee hnuhnung berin 14 lakhs vel pek tura a tih tawhna chu engtikah nge fund kan dawn theih ang tih ka zawt a. Sum indaihlohna a nasat anga la sanction loh anih thu leh dil belh mek anih thu a sawi.

E.T.C Pukpui atan New Hostel building sakna tur Rs. 1.3706 crore leh Vertical Extension of Principal’s Quarters atana Rs. 19.10 lakhs kan dil chungchang ka zawt a. NIRD lamin SIRD leh ETC, Thingsulthliah Proposal nen an en ang a, an recommend dan a zirin pek kan ni ang tih min hrilh.

Date 6th December 2013 : Zing dar 5:00 AM-ah Mizoram House atangin ka chhuak a, Air-India flight in Lengpui Airport-ah dar 1:00 PM velah ka tum.

Wednesday 2 October 2013

TRAINING ON ZOFARM FOR SUSTAINABLE DEVELOPMENT
 

Date 27.9.2013 : Training on ZOFARM for sustainable development has been conducted by ETC, Pukpui at ETC Campus during 25 - 27 September 2013. Eight participants from NGOs leaders attended the training.

Wednesday 26 June 2013

TRAINING ON PLANNING AND IMPLEMENTATION OF MAHATMA GANDHI NREGS

Dated 24th June 2013 : The Extension Training Centre under State Institute of Rural Development, Pukpui, Lunglei, Mizoram conducted the two training programmes of Mahtama Gandhi NREGS for Village Employment Councils, Vigilance and Monitoring Committee, Young Mizo Association and the Mizo Hmeichhe Insuihkhawm Pawl (Mizo Women Organisation) at Thenhlum and Buarpui, Bunghmun Block, Lunglei District, Mizoram on 18th - 19th & 20th - 21st June 2013 respectively. The training have been successfully conducted and 50 and 61 participants attended the trainings.
Group photo of Thenhlum

Group photo of Buarpui

Thursday 9 May 2013

Thursday 11 April 2013

OFFICE OF THE DIRECTOR
STATE INSTITUTE OF RURAL DEVELOPMENT
MIZORAM : KOLASIB
Dated Kolasib, 3rd April, 2013.

SIRD / ETC TE THAWHPUI TUR “MASTER RESOURCE PERSON /
CASUAL TRAINER” NEIH DAN TUR

No. A. 12033/2/2013-SIRD(MZ): Training coverage tha zawk leh chak zawka SIRD leh ETC-te an kal theihna’n kumin 2013-14 atanga tan turin Casual Trainer / Master Resource Person rawih tel tum a ni a. A hnuaia tar lan te hi he mi atana kaihhruaina atana hman tur a ni:-

1. Casual Trainer / Master Resource Person mamawhna:
1.1 Training conduct a nihin implementing department official-te an remchan dan anga sawm an ni chungin ni 3-4 chhung course atan Faculty pangngai tan mimala training conduct a hautak hle a. Chuvangin Faculty dang pakhat tal nena chêt dun a ngai thîn. Hei hian human resource a tihek hle a. Chuvangin, Faculty pangngai te bâka Training conduct-pui tur leh Resource Person atana mamawh chânga pun theih tur, a ngheta thawk ni si lo, mi fel leh rintlak chher chhuaha hman tangkai theih a nih beisei a ni a. Chu’ng mite chu “Master Resource Person (MRP)”/ “Casual Trainer” tih an ni ang. Hetianga tih theih a nih chuan sum lama harsatna a awm a nih loh chuan SIRD leh ETC-te training performance-in nasa takin hma a sawn turah ngaih a ni.
1.2 Tin, SIRD leh ETC-te training workload hi Faculty awm zât leh a mamawhtute zât ngaihtuah chuan sâng tak a ni a. Human resource leh training fund indaih tâwk loh avangin tum ang tak kan tlin lo fo bawk. He’ngte avang hian SIRD / ETC-te hian MRP te hi kan mamawh hle a ni.
1.3  MoRD-in Organisation of Training Courses hnuaia fund te avail turin SIRD/ ETC-te a encourage reng a. Hei hi remchanga hmang thei tura manpower lam neih belh hi a Tul hle a. Lab-to Land Initiative hnuaia BNV-te training tur pawhin RP mamawhna a sang hle bawk a ni.
1.4 Heng mamawhnate hi, MRP/CT te develop leh engage a nih chuan awlsam taka phuhruk theih a ni ang.

2.  Casual Trainer / MRP te identify leh rawih dan tur ruahmanna:
2.1  MRP tur hian mi rintlak, zirna lama Graduate chin chung lam, a theih chuan ‘Typing’ thiam, mi te zirtir peih leh mi retheite hmasawnna tur vei mi zawn tur a ni ang a. Pilot initiative a nih rih avangin a hmasa atan SIRD tan MRP 10 leh ETC te tan 5 ve ve neih tum phawt a ni ang. Hê’ng zingah hian eng hun pawha remchâng mai thei tur chu a zâtve vel tal hi ni tura beisei a ni (mamawh hun laia mimal harsatna nei palh thei turah a zâtve dangte hi ngaih an ni a).
2.2 SIRD pual MRP turte hi Kolasib khaw chhungah, ETC lamte pual chu an local area chhungah, mi rintlak leh inhuam âwmte newspaper / Cable TV scroll hmanga dap chhuah tur a ni.
2.3       SIRD / ETC-te hian mi tha (suitable person) he hna thawk tura inhuam hriat chiansa an neih chuan advertisement float kher lo pawhin MRP/CT turte hi ‘hand pick’ theih a ni ang.
2.4 MRP tur thlan vawi khatna hi 12th April, 2013 (Friday) ah chuan tihfel theih ni se, rokhawlhna a awm chuan tawlh hnun theih a ni ang.

GENERAL TERMS & CONDITION FOR ENGAGEMENT OF MRP/CT

3. MRP/ CT te buatsaihna hmasa (Induction Course):
3.1 MRP atana thlante hi chawlhkar hnih chhung tal, SIRD, Kolasib-ah Induction Course training, RD Programme hrang hrangah a hma lamin neihpui an ni ang a. Key Topics-ah train an nih hnu hian Field Exposure atan Case Study harsa lo tê tê tihtîr an ni ang a. An performance test / assess ni lehin Training conduct-naah Faculty pangngaite puibawm tura chhawr theih an ni tawh ang.
3.2 Training conduct tur zingah hian Major Subject-ah Rural Development Concept, People’s participation in rural development, Lab-to-Land Initiative concept, MGNREGA, IWMP, NRLM/SGSY te an ni ang a. Secondary Subject-ah IAY, NSAP, TSC/ NBA, Local Governance in Mizoram te. Tertiary Subject-ah RSBY, NRDWP, RGGVY te hi an ni ang. Training skills & methods, Training Aids hman dan leh a remchan dan azirin PRA method lâr leh tangkai zualte zirtir bawk tur a ni.
3.3 MRP turte hi an calibre, RD Programme rau rauah a eng lam ngei an ngaihven / an tuichilh deuh tihte anmahni kâwm chunga ngun taka assess tur a ni a. A theih chen chenah an tuina lam zâwnah training atan hman thin a tha hle ang.
3.4 MRP-te identification / selection Induction course etc. senso te hi SIRD-in a tum ang a. Induction Course-a telna TA leh DA hi SIRD-in MRP-te hnenah a pe ang.

4. Training neih dawna Special Course/ Briefing neihpui chungchang:
4.1 MRP-te hi Induction Course chauh neihpui an nih lai chuan mi dangte zirtirna pe tak tak turin an la rintlâk dawn rih lo a. Chuvangin, training neih dawn hnaihah, inbuatsaih laiin anmahni an lo inbuatsaihna tur reading material tha tâwk, Training Course mila buatsaih chu pêk an ni ang a. A tîr lamah chuan chu mi hmang chuan an lo inzir veng lehzual ang a. He mi atan hian an mamawh chuan SIRD training aids leh computer-te an hmang thei ang. Telephone hmang emaw, hmaichhanah emaw Faculty concerned-te thil chinchang an zawt fiah thei reng bawk ang a. Training conduct tura chhuah / training course \an chiah hma nîah Final Briefing neihpui tur a ni ang.
4.2 Final briefing-ah hian Training neihna boruak tlangpui te, expected participant te level of knowledge lo assess-sa te leh training tluang leh tha taka neihna’na pawimawh dangte Course Director turin MRP-te a hrilhfiah thîn ang.
4.3 Briefing senso atan hian a neihpuitu Training Budget emaw, SIRD sum dang remchang apiang hman tur a ni ang. MRP-te hi experienced an nih hnuah chuan a subject azirin briefing hi an mamawh tlêm tial tial tura ngaih a ni bawk.

5. Entitlement:
5.1 Training neiha MRP-te an tel apiangin MoRD-in Training Cost Norm a siam milin Session an lâkna fee leh Actual TA leh dan phal china DA awm thei angte pêk tur a ni a. Daily Allowance leh entitlement dangah Assistant Grade anga ‘treat’ tur an ni ang.
Training Cost Norms of MoRD, dated 12th October, 2010
Sl. No
Item
State level
District level
Block level
Village level
1
Training duration in days
3
4
5
3
2
No. of Sessions per day
6
6
6
6
3
Honorarium (Rupees per session) x 2 sessions per day
700
700
500
500
(duration, sessions per day or per RP may differ in actual training)

5.2 MRP-te chhawr an nih chuan a theih chen chenah MoRD norms milin ni khata an session lâk zât tur hi bithliahsak an ni ang a. MRP pakhat aia tam an tel chuan a theih chen chenah Session la tam bîk awm lo tura programme duan a \ha ang.
5.3 Training kaihhnawih (Report / accounts settlement, Briefing, etc)-a SIRD/ETC-in a mamawhna avanga MRP te ‘retain’ emaw koh emaw tirh emaw an nih chuan chutianga an thawh hun chhung atan chuan actual TA (@ maxicab fare) & DA pêk tur a ni ang a.
5.4 An tih theih tur Assignment hranpa pêk an nih chuan rem tihtlân ang rate-in honorarium pêk tur a ni.

6. MRP-te chhawrna tur:
6.1 MRP-te hi an skill leh calibre azir zelin CB & T kaihhnawihah assignment pêk theih an ni ang a. An tih theih lohpui thil ti turin beisei leh malbeihtir loh tur a ni.
6.2 MRP-te hi loh theih lohna avanga harsatna a awm a nih loh chuan Mizoram chhung leh pâwnah pawh, SIRD / ETC-te’n CB&T kaihhnawih an thawh theih âwm apiangah an chhawr thei tura ngaih a ni a. Chutianga inhuam tura beisei chu an ni bawk.
6.3 Institute pakhat puala MRP-te chu mamawh dan leh a remchan dan azirin Institute dangah pawh sâwmpên theih an ni ang.
7. MRP te phût loh tur thil te:
 Mi tu pawh MRP atana SIRD / ETC-te’n an thawhpui a nih pawhin, chutianga an lo thawh tawhna te chu chhawr an nihna thil bâkah hamthatna dang, SIRD/ ETC-ah leh Sorkar-ah phût neih phahna’n an hmang tur a ni lo.

8. MRP-te thil tiha SIRD/ETC-te mawhphurh telna:
SIRD leh ETC-te’n an tirhnaah, an tirh ang thlapa thil an tih leh thu an sawi emaw avanga thupawi (dan bawhchhiatna) a thleng a nih chuan a tirtu Institute-in chu thilah chuan mawh a phur ang a. SIRD/ETC te’n an tirhna pawh ni se, tih tur leh tih dan tur hrilh an nih ang bâka thil tih leh thusawi avanga thupawi awmah erawh chuan a tirtu SIRD/ETC-te mawhphurhna a awm lo ang.

9. Eligibility:
9.1  A chunga terms & condition siamte zawm thei ngei tur leh educational qualification nei chu hmeichhia leh mipa thliar hrang lovin MRP/CT atan chhawr theih an ni ang a. Inhuam leh mawhphurhna tlin tur an nih chuan hnathawh lai nei pawh, an Controlling Officer-in No Objection Certificate a siam thei a nih chuan MRP-ah an \ang thei ang.
9.2 MRP-te engagement siam tak tak hunah a chunga terms & condition-te dungzui hian MoU sign tur a ni bawk ang.

9. Hma lam hun:
            SIRD Headquarters hi Durtlanga sawn a nih pawh SIRD-in MRP a engage laite chu, remchan lohna hranpa a awmte a nih loh chuan, engage chhunzawm zel theih a ni ang a. MRP dang pawh mamawh leh remchan dan azirin neih belh theih a ni ang.

Sd/-
(R. LALRAMNGHAKA)
Director,State Institute of Rural Development,
Mizoram, Kolasib.